دارت الدنيا وتبيني [ أعذرك ] !
نامت عيوني وعينك ساهره
إنت لي ماضي ومابي .. أذكرك
و الغلط وياك ... ماني مكرره
قلت لك إحذر غرورك يكسرك
ومن يحبّك واجب إنت تقَدّره
قبل لا تفكّر تهاجر بــ أهجرك
وعدّني غيمة حنان .. مهاجره
مثل ماجَمّعتك أقدر أن ث ر ك
يعني راسك لو رفعته أكسره
كنت لك مثل المواني ~ أنطرك
لين طاحت من عيوني الباخره
لا تظن أبكي عليك وأخسرك
إللي مثلك ( لازم ) إني أخسره
يا القليل الباقي طاحوا أكثرك !
في بحر - دمع العيون - الطاهره
أبقى أكبر شخص مر بــ ناظرك
وتبقى أصغر ~ من نويت أكبّره
في فراقك ماحزنت آآبشرك
وكانت الفرحه معاك مسافره !
كيف ألوّح لك وأجبُر خاطرك
وإنت إحساسي مكسّر خاطره !
إكتب الشطر الأخير بـ دفترك
القلوب البيض .. جداً نادره !
موضوع: خاطرة اعجبتني 
الإثنين يونيو 15, 2009 3:21 pm